Komuna e Rahovecit ka përfunduar rindërtimin dhe rregullimin e Shtëpisë së Kulturës në fshatin Celinë. Ky objekt, i cili më parë shërbente si depo për lëndë djegëse dhe ishte pothuajse jofunksional dhe i pasigurt, tani është transformuar në një hapësirë multifunksionale që do të shërbejë për aktivitete të ndryshme shoqërore, kulturore, artistike dhe sportive.
Projekti përfshiu riparime të brendshme dhe të jashtme, termoizolim, riparim të çatisë, zëvendësim të dritareve dhe ndriçim. Gjithashtu, objekti përfshin një sallë prej 425 metra katrorë me kapacitet për 170 ulëse. Financimi i këtyre përmirësimeve, me vlerë prej 29,299 euro, është mbuluar nga Komuna e Rahovecit.
Kryetari i Komunës, Smajl Latifi, në një postim në Facebook, shprehu kënaqësinë për përfundimin e këtij projekti dhe uroi qytetarët e Celinës të gëzojnë dhe të përfitojnë nga ky ambient i ri.
Leave a Reply