Drejtoria Komunale për Arsim e Komunës së Rahovecit ka shpallur konkursin për regjistrimin e fëmijëve në tre çerdhe të reja në fshatrat Ratkoc, Krushë e Madhe dhe Xërxe. Procesi i regjistrimit do të zhvillohet nga 16 maj deri më 31 maj 2024, çdo ditë pune nga ora 9:00 deri në orën 14:00.
Prindërit që dëshirojnë të regjistrojnë fëmijët e tyre duhet të paraqesin dokumentet e mëposhtme: ekstraktin e lindjes së fëmijës, një faturë të fundit të shërbimeve komunale, një dëshmi për gjendjen shëndetësore dhe vaksinimin e fëmijës, si dhe një vërtetim të marrëdhënies së punës së një prindi. Gjithashtu, numri i fëmijëve që do të pranohen në çdo grupmoshë është i specifikuar për secilën çerdhe.
Regjistrimi i fëmijëve në Krushë të Madhe bëhet në zyrën e administratorit të Shkollës Fillore të Mesme të Ulët “Bajram Curri”, në Xërxë në objektin e ri të Çerdhes për Fëmijë, dhe në Ratkoc gjithashtu në objektin e ri të Çerdhes për Fëmijë, duke respektuar oraret e përcaktuara për aplikim.
Konkursi i plotë:
